Eleni, cynhaliwyd oedfa flynyddol M.I.C. sef “Joio Gyda Iesu”, yng nghapel Gellimanwydd, Rhydaman. Daeth tyrfa niferus ynghyd ac roedd yn hyfryd i weld y llawr yn llawn a nifer o seddi i fyny’r llofft wedi eu cymryd hefyd. Arweiniwyd yr addoliad yn fywiog a hwylus gyda Lisa Pritchard yn cyfeilio ac Elfyn Evans yn chwarae’r gitâr. Cymerwyd rhan gan aelodau ifanc o Ysgolion Sul y cylch a bu côr Ysgol Rhydaman yn canu dwy gân yn hyfryd a swynol. Fel arwydd o werthfawrogiad am gyfraniad yr ysgol, cyflwynodd Y Parchg. Tom Defis (cadeirydd pwyllgor llywio M.I.C.), gopi o’r llyfr canu Cristnogol, “Canu Clod...